Stafi i “Te Stela Resort” ka mirëpritur tre fituesit e programit “Të dobësohemi shëndetshëm”. Pas kryerjes së të gjitha analizave, nën kujdesin e Spitalit Europian, Xhoia, Marselinda dhe Mirelda nisën konsultat me doktor Lluka Hiqimi dhe profesorin e notit e të fizkulturës Sadik Memën.
Tre pjesëmarrëset në programin “Të dobësohesh shëndetshëm”
Në një takim me secilën prej pjesëmarrësve doktor Hiqimi u njoh me gjendjen shëndetësore të tyre: nëse ato kanë vuajtur më parë nga ndonjë problem shëndetësor, nëse vuajnë ose nëse kanë ndonjë predispozitë gjenetike. Përveç plotësimit të të dhënave, bazuar në rrëfimin e vajzave, doktori u ndal edhe në ekzaminime konkrete, duke matur tensionin, duke parë nëse kanë probleme me shtyllën kurrizore, probleme me dhëmbët etj.
Pas vlerësimit të analizave dhe ekzaminimeve të tjera mjeku Lluka Hiqimi dhe profesor Sadik Mema
Dr. Hiqimi duke kryer kontrollet shëndetësore me pjesëmarrëset
do të hartojnë edhe programin e trajnimit, i cili nis këtë javë “Te Stela Resort”.
Gazeta “Shëndet+” ndoqi nga afër punën që po bëhet me tre pjesëmarrëset, të cilët e kanë përfituar trajtimin falas. Ato u prezantuan me palestrën, me pishinën, me kuzhinën e të gjitha hapësirat e tjera që do të jenë në dispozicion të tyre gjatë programit.
Profesori i sportit Mema u shpreh tepër pozitiv për këto tre raste, duke deklaruar se “Te Stela Resort” ofron të gjitha kushtet për të bërë një punë të mirë dhe me rezultate pozitive.
Analizat mjekësore për tre pjesëmarrëset u siguruan nga “Spitali Europian”
Te Stela Resort
