Mjekët vazhdojnë të komentojnë “fenomenin” testim. Edhe pse dje u mor vendim që do të testohen vetëm ata mjekë që nuk 
kanë plotësuar kreditet, mjekët nuk tërhiqen. Reagime dhe sensibilitet të vazhdueshëm ka pasur edhe nga mjekët e spitaleve private, të cilët e kanë vlerësuar këtë vendim si një fyerje që i bëhet personelit shëndetësor.
“Testimet? Sikur të përfshihet në testim edhe profesorati, do ishte ideale! Mediokriteti do dilte lakuriq”, shkruajnë ata në rrjetet sociale. Ata këmbëngulin në dorëheqjen e ministrit të Shëndetësisë, Ilir Beqaj, duke e akuzuar atë për një çarje të marrëdhënies mjek-pacient, por edhe për fyerje dhe shkelje ligjore ndaj tyre./ D.C.
