Polikron Çelo, pediatër
Historikisht, në rrethana të veçanta, nënat u kanë dhënë qumësht fëmijëve të tjerë dhe opinioni e ka vlerësuar gjithmonë si një gjest të lartë.
Qumështi jepet në dy mënyra: direkt nga gjoksi ose i shtrydhur. Vite më parë, në vendin tonë është bërë një punë e madhe sensibilizuese për nxitjen e dhurimit të qumështit, sidomos në spitale dhe në ato që quheshin çerdhe distrofike.
Në raste të veçanta, vetë prindërit siguronin taja në familje për fëmijë me probleme dhe frytet, kanë qënë mjaft të mira. Qumështi i dhuruar mblidhet përkohësisht në enë të veçanta ose grumbullohet në pika të caktuara, të ashtuquajtura “bankat e qumështit”, të cilat e shpërndanë sipas kërkesave.
Fëmijët e ushqyer me tajë nuk sigurojnë thjesht ushqimin e nevojshëm, po dhe një sistem të tërë biologjik me vlera të veçuara. Sot, industria ushimore ka prodhuar shumë lloje qumështi, por asnjëri nuk ka vlerat e qumështit të nënës.
