Bashkëshortja e kantautorit Francesk Radi ka rrëfyer mes lotësh gjendjen kritike të tij, i cili ndodhet prej ditës së djeshme në reanimacionin e QSUT-së. Ajo tregon se gjendja kritike në të cilën ndodhet këngëtari e bën të pamundur transportimin e tij jashtë për të marrë një kurim më të mirë.
E dërrmuar, spikerja e njohur bën apel me anë të një videoje që të lutemi për këngëtarin dhe kantautorin e dashur të shumë shqiptarëve.
“Gjendja e rënduar e Franceskut e bën të pamundur transportimin e tij, si dhe ndërhyrjen për të marrë hapa të mëtejshëm për përmirësimin e tij. Shpresojmë dhe le t’i bashkojmë lutjet të gjithë bashkë. Franko ishte një katolik i bindur. Shpresoj!” .
