Më datë 28 shkurt 2014, në Qendrën e Telemjekësisë, në Spitalin Universitar të Traumës, u zhvillua prezantimi i parë i një rasti traume nga Shqipëria, drejtuar qendrave të ndryshme të telemedicinës në spitalet pjesëmarrëse në Trauma Tele-Grand Round. Ky rast u prezantua nga dr. Lindita Shosha së bashku me kontributin e dr. Agron Dogjani, Astrit Mustafa dhe Tajar Asqeriu.
Ky event ishte me shumë rëndësi, pasi është rasti i parë në të cilën specialistë traumatologë nga Spitali Universitar i Traumes paraqesin një rast ndaj qendrave të Telemedicinës nëpër botë të cilat organizohen në seri konferencash nga Universiteti i Majamit “Miller School of Medicine”, SHBA. Ekspertë të kirurgjisë dhe traumatologjisë botërore gjatë këtyre konferencave paraqesin raste me interes klinik për audiencën. Për nga rëndësia e saj, programi i Integruar i Telemjekësise dhe Shëndetit Elektronik në Shqipëri, siguron lidhje në kohë reale të ITTGR në çdo qendër rajonale të telemedicinës.
Tema e prezantuar nga dr. Lindita Shosha ishte mbi “Dëmtimet anorektale dhe perianale nga trauma shpërthimi në pelvis”. Gjatë këtij prezantimi ishin të pranishëm dhe Gjovalin Bushi, drejtor i Përgjithshëm i Spitalit Universitar të Traumës, Erion Dasho, Koordinator Kombëtar i IteHP dhe shumë mjekë kirurgë dhe traumatologë të këtij spitali.
