Kryefaqja Aktualitet Temperatura nën zero/ Brataj: Disa këshilla për të jetuar me të ftohtin

Temperatura nën zero/ Brataj: Disa këshilla për të jetuar me të ftohtin

0
Shpërndaje

Mjeku i njohur Skënder Brataj ka ndarë disa këshilla për të jetuar me të ftohin teksa temperaturat në vendin tonë kanë zbritur në vlera ekstreme. Nëpërmjet një postimi në Facebook, Brataj këshillon që vaktet të konsumohen rregullisht dhe të nxehta si dhe shmangien e alkoolit. Mes të tjerash Brataj shkruan se ngrohja duhet të jetë graduale që organizmi të mbrohet nga ndryshimet e papritura.

Postimi

Konsumoni vakte të rregullta dhe pije të nxehta (të paktën 1-1.5 litër lëngje në ditë).

Shmangni alkoolin dhe pijet superalkolike. Ndryshe nga sa mund të mendohet, ato jo vetëm që nuk ndihmojnë në mbrojtjen kundër të ftohtit, por shkaktojnë humbjen e nxehtësisë së prodhuar nga trupi dhe të favorizojnë fillimin e hipotermisë!

Në rast të sëmundjeve kardiovaskulare ose të aparatit respirator shmangni daljet herët në mëngjes dhe në mbrëmje dhe preferoni orët më pak të ftohta të ditës.

Mos e nënvlerësoni rëndësinë e veshjes.

Kapele, shamia, dorezat, dhe pardesyja ose xhubi i ngrohtë janë ndihma të shkëlqyera kundër të ftohtit.

Mos harroni të vishni këpucë me thembra që nuk rrëshqasin në rast akulli.

Nëse do të shkoni në një udhëtim me makinë, mos harroni të merrni me vete batanije dhe pije të ngrohta.

Kini kujdes të mbroheni nga ndryshimet e papritura të temperaturës kur kaloni nga një mjedis i ngrohtë në një mjedis të ftohtë dhe anasjelltas.

Ngrohja duhet të jetë graduale

Në shtëpi, rregulloni temperaturën rreth 20-22 ° C dhe mbani lageshtinë e ajrit në dhomë pasi nga nxehtësia ajri bëhet shumë i thatë dhe dëmton mukozat.

Dr.Skender Brataj

LËR NJË MESAZH

Please enter your comment!
Please enter your name here