Sipas “Komunitetit Europian për Sigurinë Ushqimore” pirja e më shumë se 5 kafeve në ditë është shumë e dëmshme për shëndetin.
Problemet e zemrës, pagjumësia dhe stresi janë vetëm disa nga sëmundjet që lidhen me konsumimin e tepërt të kafeinës (jo vetëm kafes). “Komuniteti Europian për Sigurinë Ushqimore” u shpreh se njerëzit konsumojnë më shumë se niveli i duhur kafeine në ditë. Kafeina nuk gjendet vetëm në kafe, por edhe në çaj, pije energjike, çokollate etj.
Raporti thotë se duhet të konsumohet rreth 400mg në ditë, në mënyrë që të qëndroni të shëndetshëm dhe mos mos të keni pasoja shëndetësore.
Sa kafeinë përmbajnë produktet?
Pijet energjike – 80 mg
Kafja ekspres – 80 mg
Një filxhan çaji – 50 mg
Një kanaçe kola – 40 mg
Çokollata e zezë – 25 mg
Çokollata me qumësht – 10 mg
Disa nga sëmundjet që lidhen me konsumimin e tepërt të kafeinës janë: rritja e rrahjeve të zemrës, tensioni i lartë i gjakut, të dridhura, nervozizëm, pagjumësi dhe sulme paniku.
Përshtati në shqip për “Shëndet+”: Daniela Bardhi
