Kryefaqja Denonco Teserë partie për të fituar vend pune në spital!

Teserë partie për të fituar vend pune në spital!

3
Shpërndaje

Përshëndetje! Dua t’ju informoj juve dhe qytetarëve që mos të konkurrojnë më në konkurse, sepse do të harxhojnë vetëm kohë dhe para për të noterizuar dokumentacionet.

Kam marrë pjesë në një konkurs në spitalin X dhe jam renditur i pari në klasifikim. Nuk më morën sepse thanë se më mungonte eksperienca (por edhe kandidati që u pranua, nuk ka përvojë pune). Pasi këmbëngula me denonciminet në portal, në spital dhe në ministri, ndryshoi varianti i justifikimit.

mjekesia paraNë fillim edhe vetë ministria ishte në favorin tim, por papritur vjen “telefonata” dhe qëndrimi ndryshon. Sepse vetë ministria, për të mbrojtur drejtorin dhe kandidatin militant të LSI-së.

Ministria del me një version që unë nuk kam master dhe kandidati tjetër PO. Por është absude përsëri, sepse vendi vakant nuk ka nevojë për master. Në buletinin e botuar në agjencinë e prokurimeve publike nuk është cituar askund që masteri është kriter dhe për këtë arsye ky variant i ministrisë është ABSURD.

Unë i jam përmbajtur buletinit. Kam dorëzuar gjithë dokumentacionin në spital. I jam përmbajtur ligjeve dhe kritereve, por duket se nuk mjafton. Nëse nuk ke teserë partie apo, më saktë, nëse nuk je anëtar i LSI-së dhe nuk ke ngjitur 100 flamuj nëpër shtylla, nuk fillon punë. Për këtë isha në dijeni, por të futen militantë edhe në mjekësi, këtë nuk e prisja.

Mund ta çoj rastin edhe në gjykatën administrative dhe prokurori, por çfarë shprese kam që do të fitoj? Të bësh luftë me shtetin është e kotë. Po bëhet komplot institucional për një vend pune në spital.

Por kjo është Shqipëria. Nëse nuk kuptohet se cila është e mira dhe e keqja, do të vuajmë të gjithë bashkë. Po jetojmë në kohën e diktaturës. Dhe më vjen jashtëzakonisht keq.

Ah, dhe diçka tjetër! Kur kandidati tjetër pa këmbënguljen time nëpër institucione, më takoi dhe më tha: “Hiq dorë! Ai vend pune është krijuar për mua. Nuk e gëzon dot njeri atë vend, sepse unë e shkrij dhe ti nuk shkon atje!”

E shikoni ku kemi arritur?! Mjekësia ka shkuar në greminë. Kështu që kujdesuni për veten: Largohuni që këtu!

(Denoncim i ardhur në adresën info@shendeti.com.al. Emri i denoncuesit dhe i qytetit është fshirë me kërkesë të vetë personit, i cili i druhet ndëshkimit!)

3 Komente

  1. Ne shendetesi, jane dhene para apo kane nderhyre miq per te zene nj evend pune gjithnje. Por keto dy vite eshte bere pazat si ne tregun e zi, nga 10 deri 15 mije euro per tu punesuar mjek ne poliklinikat e Tiranes, leket paguhen ne ministrine e shendetsise te shefi i kabinetit, sekretari i pergjithshem apo keshilltaret e Beqaj efendi.

    Eshte e tmerrshme sepse nuk merret kush me dosje apo cilesi profesionale qe mun dte kete individi, por merren vetem sa paguan dhe kush paguan me shume.

    Vaj vatan e mjer milet se me Beqaj mjekesia mbetet e shkrete.

  2. Po ku vete ky person qe do te punesonohet pa paguar, po a nuk e di ky person qe ne shendetesi sot nuk punesohesh po qe se nuk paguan lek te thata ne dore, dhe duhet te paguash te ministria e shendetesise, te drejtoria e spitalit ose e qendres se poliklinikes, sepse duhet te marrin te tere dicka. Ku te le Beqaj ose me mire shefi i kabinetit te Beqaj dhe miku i tij Arturi pa te mare leket e thata ne dore 14 mije euro i mori nje shoqes time qe e futi ne pune ne poliklinike, 12 mije euro i mori nje djali per nje poliklinike tjeter, 10 mije euro me mik i mori nje koleges tone po ne poliklinike ne Tirane, po ashtu edhe ne polikliniken koder Kamez paguajti leket qe filloi pune. Ku ka punesim pa lek apo punesim me cv, dokumenta apo aftesi…paguaj qe ta kesh, tere jeten puno leket e punesimit te nxjerresh.

    Turpi eshte i yni qe nuk e kapim per fyti ate zagar apo zagaret e tjere qe na torturojne ne kete menyre per nje vend pune.

    Konkuroj nje shoqja ime te materniteti ne tirane, do jepte 10 mije euro per qejf vetem te mos lodhej sa andej ketej, e di sa i kerkuan 30 mije euro, dhe pazari u rrit sa vajti 50 mije euro sepse si duket u rrit kerkesa, dhe si perfundim e la fare ate pune dhe tani punon ne nje klinike private nje mije here me mire.

  3. Punesimet ne shendetesi dhe ne arsim jane bere tmerr, me mire te behesh berber dhe parukiere sesa te paguash mijera euro per tu punesuar.

    Punesimte ne spitalet e rretheve, persa u perket infermiereve, laboranteve, apo deri pastruesve, duhet te paguajne te drejtorite e spitaleve ne rrethe.

    E njejta gje vazhdon me poliklinikat e Tiranes duhet te paguash qe cke me te deri ne 15 mije euro per nje mjek specialist.

    Punesimet ne Tirane, ne qendrat spitalore universitare, ketu pazari rritet ne nivele stratosferike, edhe mik te kesh, prape do paguash, te paguash qe cke me te thone se ato lek i nxjerr per pak muaj, a thua se keta te ministrise i punesojne bluzat e bardha per te mbledhur lek. Ne fakt po te paguash shume shume mijera euro, normalisht qe ata do mundohen ti rikuperojne keto lek, jo me format farmaceutike qe jane bere gangrene e keqe e sistemit, ato kane influenca ne tere boten, por te ne jane bere gangrene shume demtuese deri te shendeti i pacientit duke marre ilace, apo multivitamina te panevojshme, por edhe te xhepat e tyre qe u kushtojne para. Pastaj me laboratoret privat sepse shume analiza nuk behen ne laboratoret e shtetit, pastaj edhe kerkojne lek pacienteve…

    Punesimet e mjekeve ne spitalet e rretheve, poliklinikat e Tiranes dhe spitalet universitare te Tiranes po nuk pagove lek ne ministrine e shendetesise nuk ka shans qe te fillosh pune sikur te kesh shpikur edhe bomben berthamore.

    Problemi eshte sepse dke e masakruar sistemin shendetesor ne kete nivel, duke mos patur nje filter cilesie punesimi, meritokracie, apo konkurence, atehere edhe motivimi profesional, etik por edhe njerezor bie, seps e shikon qe cdo gje behet me lek te thata ne dore, cdo gje behet me pagesa si ne mjekesi, si ne drejtesi si ne arsim, atehere kur shteti ste ofron asgje, eshte instikt normal i njerezve qe te kene te pakten ca te holla te ruajtur menjane.

    Kjo eshte nje rrumpallek, kjo eshte nje degradim qe te ikesh per tere naten nga ky vend.

LËR NJË MESAZH

Please enter your comment!
Please enter your name here