Mirë a keq, thashethemet janë funksionale për jetën, sepse janë një burim i çmuar për të njohur vten. Falë zërave në korridore, përballemi me fjalët e momentit dhe tentojmë të përmirësohemi.
Këtë e mbështesin kërkuesit holandezë të Universitetit të Groningenit, të cilët kanë kryer dy eksperimente të ndryshme mbi efektet e “thashethemeve” tek ai që i dëgjon dhe rezultatet janë botuar në Buletinin e Psikologjisë Sociale dhe Personalitetit.
Reagimet e vullnetarëve përballë thashethemeve, pozitive apo negative, referuar nga të tjerët, janë analizuar dhe janë kryer pyetësorë mbi personalitetin.
“Kush u beson zërave të personave të tjerë reflekton, sepse provokohet një reflektim tek vetja, ndihmojnë për përshtatjen në ambjentin shoqëror dhe na vendosin në rojë nga kërcënime të mundshme, – thonë autorët. – Kjo shpjegon faktin pse jemi gjithnjë të interesuar për të dëgjuar dështimet apo sukseset e të tjerëve”.
Studimi tregon edhe pikat e dobëta mes femrave dhe meshkujve: gratë u druhen më shumë fjalëve negative të të tjerëve, sepse mendojnë se mund të prekin edhe ato; burrat ndërkohë janë xhelozë për lëvdatat që u bëhen të tjerëve, sepse druajnë përballjen dhe ndihen të përjashtuar nga cilësitë që u atribuohen të tjerëve në atë moment./ Arlinda Gjypi
