Përbërësit për tiramisu me çokollatë.
Për biskotat
- 150 gr miell
- 130 gr sheqer
- 3 vezë
- 50 gr niseshte
- Maja për ëmbëlsira
- Vanilje
Për kremin do të nevojiten:
- 5 vezë
- 150 gr çokollatë në copëza
- 500 gr maskarpone
- 200 ml kafe
- 120 gr sheqer
- 100 gr kakao
Përgatitja e biskotave për tiramisu
- Ndajmë të verdhat nga të bardhat e vezëve dhe rrahim këto të fundit duke hedhur sheqerin pjesë pjesë. Vazhdojmë rrahjen e të bardhave derisa të arrihet një masë e fryrë, më pas shtrojmë të verdhat dhe vazhdojmë t’i rrahim derisa të formohet një masë kremoze.
- Përziejmë përbërësit e thatë së bashku dhe i shtojmë tek vezët duke i situr dhe trazuar ngadalë, nga poshtë-lart. E hedhim masën e përgatitur në xhepin e pastiçerisë dhe e hapim në tavë. E pjekim në furrë të nxehur më parë në temperaturën 180 gradë celcius për rreth 10 minuta.
Përgatitja e kremit për tiramisu
- Ndajmë të bardhat e vezëve nga të verdhat dhe rahim të bardhat derisa të arrijmë një masë të fryrë. Më pas i vendosim në frigorifer.
- Në rahësin elektrik, hedhim të verdhat e vezëve sëbashku me sheqerin. I rahim në shpejtësi mesatare, derisa të arrihet masa e fryrë. Shtojmë marskarponën dhe i përziejmë mirë së bashku. Më pas shtojmë dhe të bardhat e vezëve dhe i përziejmë me kujdes nga poshtë lart derisa të arrijmë një masë homogjene. Në tavë fillojmë shtrojmë biskotat duke i lyer më parë me kafe. Vendosim një shtresë biskota dhe më pas hedhim një shtresë kremi. E hapim mirë në të gjithë sipërfaqen e tavës.
- Sipër shtojmë kakao dhe copëza çokollate. Vazhdojmë kështu dhe me shtresën e dytë. Pasi e kemi përfunduar e vendosim ëmbëlsirën në frigorifer për disa orë dhe më pas e presim në copa, gati për ta shërbyer.
Ju bëftë mirë!
