Denisa Canameti
Kjo foto është shkrepur në orët e para të mëngjesit, afër kryeqytetit. Tymnajë e ngritur në një zonë të banuar duke rrezikuar kështu seriozisht shëndetin e njerëzve dhe familjeve që jetojnë përreth.
Pa frikë mund të thuhet se njeriu po kthehet në armikun më të madh të natyrës, të ambientit. Është folur shpesh për dëmet e parikuperueshme që ne po i shkaktojnë mjedisit. Derisa një ditë mjedisi të kthehet në armikun tonë më të madh e më shkatërrues.
Ajri është një element mjaft i rëndësishëm për njeriun e veçanërisht për shëndetin e tij. Ndotja e ajrit ndodh kur në ajër lirohen substanca në sasi që mund të dëmtojnë shëndetin e njerëzve, kafshëve dhe bimëve ose mund të shkaktojnë dëme materiale.
Disa ndotës të ajrit mund të kenë edhe ndikime globale si për shembull, rritja e efektit të gazeve serë ose dëmtimi i shtresës së ozonit.
Organizata Botërore e Shëndetësisë deklaron se 2,4 milionë persona vdesin çdo vit nga shkaqe të lidhura në mënyrë direkte me ndotjen e ajrit. 1,5 milionë nga këto vdekje i atribuohet ndotjes së ajrit në vende të mbylluar, që zakonisht njihen si vendet me ajër të pastër.
Gjatë një viti ka më tepër vdekje nga ndotja e ajrit se sa nga aksidentet automobilistike. 310.000 evropianë vdesin çdo vit nga ndotja e ajrit.
Agjencia e Mbrojtjes së Mjedisit në ShBA deklaron se, nëse miratohen ndryshimet e propozuara nga vetë ajo në karburantet e makinave do të ketë 12.000 vdekje të parakohshme më pak, 15.000 infrakte më pak, 6.000 vizita në dhomën e emergjencave nga fëmijë ma astmë, 8.900 shtrime në spital për problem me frymëmarrjen ose aparatin frymëmarrës çdo vit.
Disa nga sëmundjet e lidhura me ajrin e ndotur janë :
- Kanceri,
- Sëmundje zemre dhe rreziku për atak,
- Sëmundje mushkërie si cirroza dhe Emfizema,
- Astma,
- Pneumonia dhe komplikacionet e saj,
- Bronkiti dhe pneumonia,
- Alergji të lidhura me aparatin respirator,
- Dhimbje koke dhe migrenë te vazhdueshme
