Një video e publikuar në rrjetin social Facebook ka shokuar shqiptarët. Një femër dhunohet barbarisht nga ish-bashkëshorti para syve të fëmijëve. Këto pamje shokuese vijnë nga qyteti bregdetar i Vlorës. E gjithë skena ka ndodhur në mes të rrugës, në sytë e shumë qytetarëve që kanë filmuar gjithçka.
Gruaja e re mban në krahë një fëmijë që qan dhe një tjetër fëmijë të mitur për dore, por kjo nuk e ka penguar ish-bashkëshortin e saj që ta godasë dhunshëm në sy të tyre. Ajo që e bën më dramatike situatën është fakti që fëmijët përpiqen të mbrojnë nënën, ndërkohë që i ati i tyre vazhdon t’i gjuajë me shkelma dhe grushta.
Videoja është publikuar në rrjetin social Facebook nga Oltion Bardhi Photograph.
