Përshtati në shqip: Blertina Koka
Mund të themi me siguri që e kemi kaluar adoleshencën dhe rininë duke menduar për sekretet e flokëve të gjatë, me volum dhe të shndritshëm. Ajo që shumica prej nesh mund të mos e kemi ditur është se sekreti i flokëve perfekt gjendet në frigoriferin apo kuzhinën e gjithsecilit prej nesh dhe gjyshja mund t’ju ketë treguar për to prej vitesh!
Ja disa trajtime natyrale për flokë të gjatë dhe me volum:
Mjalti dhe vaji i ullirit u japin shkëlqim flokëve
Mjalti nuk është vetëm për çaj dhe vaji i ullirit nuk është vetëm për sallatë. Këto produkte bazë të gatimit njihen gjithashtu për vetitë e tyre zbutëse, prandaj gjyshja kishte të drejtë kur ju sugjeronte që të aplikoni një përzierje të këtyre dy produkteve direkt në rrënjët e flokëve, për t’i forcuar ato dhe parandaluar rënien e flokëve.
Majonezi, si trajtim flokësh
Ndryshe nga trajtimet kozmetike me substanca të ndryshme kimike, majonezi është plot me vajra dhe proteina që forcojnë rrënjët e flokëve dhe i mbajnë ato të hidratuar.
Vaji zbut flokët dhe i bën ato më me shkëlqim, ndërsa proteinat tek veza forcojnë rrënjët e flokëve.
Coca-Cola, si shkëlqyes flokësh
Është e vërtetë, edhe supermodelet përdorin pijet e gazuara për t’u dhënë flokëve shkëlqim, falë aciditetit të tyre. Vetëm sigurohuni që t’i lani menjëherë flokët pasi t’i keni lagur me coca-cola.
Vezë për rritjen e flokëve
Kush nuk do të donte të përshpejtonte rritjen e flokëve? Vezët janë të pasura në proteina, një ingredient shumë i rëndësishëm që forcon rrënjët e flokëve dhe ndihmon në rritjen e tyre. Përzieni një vezë me vaj ulliri dhe aplikojeni në flokë.
Uthull molle, për heqjen e zbokthit
Të gjithë e dimë se bezdisës është zbokthi në flokë. Provoni uthullën e mollës si një trajtim natyral për heqjen e zbokthit, zbutjen dhe dhënien shkëlqim të flokëve.
Burimi: PopSugar / https://shendeti.com.al/
