Petrit Drini
Nga fizioterapisti Petrit Drini:
Në përgjithësi, trajtimi i dhimbjes së mesit bëhet me njërën prej tri kategorive: Medikamente, fizioterapi dhe kirurgji.
Trajtimi jokirurgjikal
Këshilla
• Pushim. Zakonisht disa ditë pushim apo regjim shtrati do të qetësojë dhimbjet e forta të shpinës. Bërja pushime të rregullta gjatë gjithë ditës. Shmangni uljen për periudha të gjata kohore apo qëndrimin në shtrat për një kohë të gjatë.
• Bëni kujdes me kufijtë e lëvizjes së trupit, bëni levizjet të matura dhe pa nxitim.
• Eliminoni lëvizjet e ripërsëritura, veçanërisht përkuljen dhe ngritjen e peshave, evitoni sforcimet apo dhe qëndrimin e gjatë në këmbë.
• Në raste dhimbjesh të forta, eliminoni aktivitetet fizike, përveç notit, i cili në përgjithësi ndihmon në trajtimin e problemit.
• Aplikimi i të ngrohtave
• Streçing (zgjatje) e muskujve të gjithë kurrizit, qafës, mesit.
• Reduktimi ose manipulimi i stresit, që konsiderohet si faktor shumë i rëndësishëm në dhimbjen e shpinës.
Medikamentet
Disa medikamente mund të përdoren për të ndihmuar lehtësimin e dhimbjeve tuaja.
• Qetësues të mirëfilltë, paracetamol, paracetamol kodeinë, tramadol.
• Anti-inflamatorët josteroide, si: ibuprofen, voltaren dhe naprokdeni mund të zvogëlojnë dhimbjen dhe edemat.
• Muskulorelaksantet, si: thiocolchicoside (Muscoril, Myoril, Neoflax, Muscoflex)
• Medikamentet narkotike, si kodeina apo morfina antidhimbje.
• Steroidet e marra nga goja ose injeksion në shpinë mund të japin një efekt anti-inflamator të shpejtë dhe efekte anësore të larta.
Fizioterapia
Konsiston në përdorimin e metodave, si: ngrohje-ftohje, ultratingull, masazh, stimulim elektromagnetik, streçing, ushtrime specifike, si: pilates, joga për mirëmbajtjen dhe forcimin e shpinës. Kombinimi i fizioterapisë me trajtimin medikamentoz jep rrezultate shumë të mira.
Masoterapia konsiderohet si mënyra më eficente e trajtimit të shpinës, në kombinim me trajtimet posturale të tipit Mezier.
Brezi. Përdorimi i brezit ose korsesë këshillohet vetëm në fazën akute dhe në ato raste kur përdorimi i brezit jep ndjesinë e mirë dhe të sigurtë.
Injeksion epidural me steroide. Bëjnë zvogëlimin e efektit të inflamacionit (enjtjes) dhe infeksioneve në zonën ku shfaqet dhimbja. Ky trajtim bëhet në rastet kur trajtimi klasik i sipërpërmendur nuk ka dhënë rezultat.
