Sot në Komisionin e Shëndetësisë pati debate mes mazhorancës, kur ministri i Shëndetësisë Ilir Beqaj prezantoi kosyot e transplanteve.
Ish-ministrat e Shëndetësisë Petrit Vasili dhe Vangjel Tavo thanë se kjo kosto nuk është reale.
Beqaj: Ne kemi një çmim të miratuar të transplantit të veshkës që është rreth 7300 euro.
Vasili: Ështe një protokoll që s’ka terapinë e fillimit, përgatitjet preoperatore, daljet nga interventi dhe trajtimi”
Tavo: Nuk ka transplant pa minimumi 10 mijë euro. Por dhe kaq rrezik nuk ta pranon njeri
Beqaj: 11 mijë euro.
Paketa e kostove për një transplant veshkeje është 12.000 euro dhe shqiptarët për këtë tip transplanti nuk kanë mundësi ku ta kryejnë tjetër veçse në spitalet private.
Janë 85 pancientë që po presin në radhë kryerjen e transplantit të veshkave dhe pritet që ndërhyrjet e para të bëhen në muajin nëntor dhe dhjetor.
Një transplant mëlçie nuk mund të kryhet në Shqipëri. Spitalet publike nuk kanë kushtet, privatët kanë refuzuar për shkak të kostos së lartë, duke i lënë si të vetmen mundësi që këtë ndërhyje pacinetët ta kryejnë jashtë vendit. Minimalisht kostoja shkon deri në 50.000 euro.
“Lidhur me transplantin e mëlçisë ne tentuam ta arrijmë në Shqipëri, por nuk arritëm dot” – tha Beqaj./ Manjola Hasa
