Denisa Canameti
Kjo javë ka qenë tepër e qetë për bluzat e bardha, në ndryshim nga 3 javët e kaluara ku fjalia “bluzat e bardha në protestë” ishte 
kthyer në kryelajmin e ditës. Një shpërthim i pakënaqësisë së mjekëve që lexohej nëpër gazeta, televizione, portale online, si dhe në komentet e tyre në “Facebook”.
Rrjetet sociale jo rrallëherë janë kthyer në burim lajmi shumë të rëndësishëm për mediat të cilat kanë shfrytëzuar çdo artikulim të mjekëve apo infermierëve. Ka një javë që nuk dëgjohet të flitet më për këtë, më saktë që prej ditës kur doli vendimi për pezullimin e testimit të infermierëve.
Edhe pse mjekët dhe infermierët deklaruan që nuk do t’i ndalin protestat, në fakt ka ndodhur e kundërta. Ata kanë vazhduar qetësisht punën e tyre. A thua të kenë marrë nga Ministria ndonjë siguri për anulimin e plotë të çështjes së provimit apo kjo është vetëm një pushim i vogël sa për të marrë frymë?!
