Drejtorët e dy spitaleve, përkatësisht në Librazhd dhe Tepelenë, si dhe kryeinfermieri i Shërbimit Spitalor Kolonje janë pezulluar nga detyra me urdhër të ministrit të Shëndetësisë pasi janë përfshirë në fushatë elektorale.
Në një deklaratë për mediat, Ministria e Shëndetësisë njofton se:
Në zbatim të VKM-së, nr. 473, datë 01.06.2017, pika 4, për mospërfshirjen e administratës publike në fushatë elektorale, Ministria e Shëndetësisë ka pezulluar nga detyra: Drejtorin e Shërbimit Spitalor Librazhd; Drejtorin e Shërbimit Spitalor Tepelenë; Kryeinfermierin e Shërbimit Spitalor, Kolonjë.
Ministria e Shëndetësisë sjell në vëmendjen e gjithë administratës VKM-n nr. 473, datë 01.06.2017 duke rikujtuar se monitorimi do të jetë i pandërprerë dhe masat do të merren pa mëdyshje ndaj çdo shkelje të ligjit deri në përfundimin e procesit zgjedhor./ Shendeti.com.al
