Përshtati në shqip: Blertina Koka
Hani më shumë djathë, molla dhe kos, dhe kufizoni mishin e kuq, patatet për të parandaluar diabetin. Mjekët kanë publikuar një listë të ushqimeve që ata rekomandojnë për të parandaluar diabetin e tipit 2. Është hera e parë që ekspertët specifikojnë se cilat ushqime mund të ndihmojnë për të luftuar këtë sëmundje, që lidhet me obezitetin.
Më parë, njerëzve që ishin në rrezik të lartë për zhvillimin e diabetit iu rekomandohej të rrisnin me 15% dozën e fibrave ose të humbnin 5% të peshës trupore.
Ndërsa së fundmi mjekët e kanë përditësuar këtë udhëzim, ku thonë se nuk lidhet me mënyrën si njerëzit e jetojnë jetën.
Dr. Pamela Dyson, shkencëtare e dietologjisë tek Universiteti i Oksfordit dhe drejtuese e ekipit të shkencëtarëve pas udhëzimeve të reja për diabetin, thotë: “I kemi bërë këto udhëzime të reja dietetike në bazë të ushqimeve dhe jo lëndëve ushqyese…sepse është ushqimi ajo çka njerëzit hanë, jo “lëndët ushqyese”.
“Është më e lehtë të kuptohesh nga njerëzit kur flet për ushqimet që ata në fakt hanë”.
Detajet për udhëzimet e reja distike janë publikuar javën që shkoi tek Konferenca Profesionale Britanike e Diabetit, në Londër.
Për të parandaluar diabetin, ekspertët rekomandojnë që të konsumoni më shumë drithëra, futa dhe perime, sidomos mollë, rrush, boronica dhe perime të gjelbra. Në udhëzimin e re rekomandohen gjithashtu produktet e qumështit, sidomos kosi dhe djathi, si dhe konsumimi rregullisht i çajit ose kafes.
Dietat duhet të jenë të ulëta në mishin e kuq dhe të përpunuar, pijet me sheqer, patatet dhe karbohidratet e rafinuara si buka e bardhë ose orizi.
Udhëzimet, e bazuara tek të dhënat e më shumë se 500 studimeve shkencore, janë vendosur nga një grup shkencëtarësh nga Universiteti i Oksfordit dhe Shoqata Britanike e Diabetit.
Dieta për parandalimin e diabetit:
- Ushqimet që duhet të konsumoni:
- Drithërat
- Frutat, sidomos mollët, rrushin dhe boronicat
- Perimet e gjelbra
- Produktet e qumështit me pak yndyrë, si kosi dhe djathi
- Çaji dhe kafja
Ushqimet që duhet të shmangni
- Mishin e kuq dhe të përpunuar
- Pijet e gazuara
- Karbohidratet e rafinuara, si buka e bardhë, orizi i bardhë
Burimi: Daily Mail / Shendeti.com.al
