Përshtati në shqip për gazetën “Shëndet+”: Daniela Bardhi
Me kalimin e moshës, lëkura bëhet më e hollë dhe e humbet elastitetin e saj. Për pasojë vijnë çrregullimet e lëkurës si akne, rrudha, qarqe të errëta poshtë syve etj. Uji i trëndafilit mund të shërbejë si një tonik majft i mirë natyral për të trajtuar problemet e lëkurës, sidomos qarqet e errëta poshtë syve.
Ja disa përfitime që sjell uji i trëndafilit në lëkurë:
- Hidraton lëkurën.
- Rikthen ekuilibrin e pH të lëkurës dhe zvogëlon pigmentimin e tepruar të saj.
- Antioksidantët e gjendur në ujin e trëndafilit forcojnë dhe rigjenerojnë qelizat e lëkurës.
- Ka veti anti-inflamatore, redukton ënjtjet dhe skuqjet e lekurës.
- Ka veti anti-bakteriale, kështu që detoksifikon lëkurën dhe e bën atë më me shkëlqim.
- Përmban shumë vitamina dhe minerale, përfshirë këtu vitaminat A dhe C, të cilat forcojnë sistemin imunitar dhe e mbajnë lëkurën të shëndetshme.
- Hap poret e bllokuara dhe pastron qelizat e vdekura.
Si të përgatisni lëng trëndafili? Në një litër ujë të pastër shtoni disa petale trëndafili dhe lërini të qëndrojnë për 2 javë në një vend të errët, të freskët e të thatë. Pas këtyre ditëve është i gatshëm për t’u përdorur.
/ www.shendeti.com.al /Burimi: Home Reminderd for Life
