Sabjan Memishaj, kardiokirurg
Kush është në rrezik për ulcera të këmbëve?
Pacientët që kanë mundësi më të madhe për të patur ulcera të këmbëve janë:
- Pacientë të moshuar
- Pacientë me vena varikoze
- Pacientë me trombozë të venave të këmbëve
- Pacientë që kanë patur shumë lindje
- Pacientë që qëndrojnë për një kohë të gjatë në këmbë
- Pacientë që kanë vështirësi në lëvizje si: frakturë, obezitet ose paralizë
- Pacientë që po shërohen nga një operacion kirurgjikal siç është ai i gjurit ose femurit
- Pacientë që kanë një histori të mëparshme të ulcerës së këmbëve
- Pacientë që kanë një histori familjare për ulcer të këmbëve
Mos humbisni: Ulcerat e këmbëve, simptomat që nuk duhet t’i injoroni
Parandalimi i ulcerave
Nëse keni një ulçer në këmbë ju keni një mundësi më të madhe për të patur një ulcer të dytë. Kjo mund të ndodhë brenda disa muajve. Veshja e bandazheve kompresiv (çorape për variçe) gjatë gjithë kohës (përjashtuar gjatë natës) ul rrezikun e rikthimit të tyre.
Trajtimi i ulcerave venoze të këmbëve
Ulcerat venoze të këmbëve në pjesën më të madhe të rasteve shërohen brenda 3 muajve.
Trajtimi zakonisht përfshin:
- Heqja e indeve të vdekura (debridimi i plagës)
- Pastrimi i sipërfaqes
- Mbulimi i plagës me një bandazh jo ngjitës
Bandazh kompresiv
Pasi ulcera të jetë mbuluar, mbi të vendoset bandazh kompresiv mbi sipërfaqen e ulcerës. Kjo gjë bëhet për të rritur qarkullimin e gjakut në drejtim të zemrës. Kompresioni zakonisht bëhet në disa shtresa.
Në fillim pacienti mund të ketë dhimbje dhe për të mposhtur atë mund të jepen ilaçe për dhimbjen. Dhimbjet zakonisht zvogëlohen duke u shëruar plaga dhe mund të zgjasin rreth 12 ditë. Këmba mbahet e ngritur dhe nëse kemi ngjyrosje blu të gishtave atëherë duhet liruar bandazhi.
Trajtimi i ulcerave të infektuara
Një ulcer e infektuar duhet të pastrohet dhe të mbulohet por nuk duhet përdorur bandazh kompresiv deri në momentin kur infeksioni është shëruar. Gjithashtu duhet:
- Mbani këmbën lart sa herë që keni mundësi
- Merrni antibiotik
Antibiotikët nuk mund të shërojnë ulcerën ata thjesht kontrollojnë infeksionin dhe përdoren për një kohe të shkurtër.
