Blertina Koka, gazeta “Shëndet+”
Autoriteti Kombëtar i Ushqimit urdhëroi heqjen nga tregu të disa çokollatave që dyshohet se kanë pasur mbetje plastike brenda tyre. Njoftimi u bë një ditë pasi prodhuesi amerikan i çokollatave “Mars Inc” njoftoi tërheqjen e çokollatave Mars dhe Snickers, por edhe disa produkteve të tjera në Gjermani. (lexo këtu).
Sipas urdhrit të AKU, duhet të hiqen nga tregu shqiptar çokollatat Snickers, Milky Way, Mars që i kanë datat e skadencës nga 19 qershori i 2016 deri më 8 janar të 2017. Ky urdhër i është dërguar të gjitha drejtorive rajonale për të zbatuar vendimin në mbarë vendin./ https://shendeti.com.al/
