Urdhri i Infermierit ka njoftuar datat për realizimin e vlerësimit të aftësimit praktik për infermierët, mamitë, fizioterapeftët, teknikët e imazherisë, teknikët e laboratorit, logopedistët. Në njoftimin e dhënë thuhet:
“Urdhri i Infermierit të Shqipërisë njofton se datat për realizimin e Vlerësimit të Aftësimit Praktik (VAP) janë si më poshtë :
“13 – 18 prill 2015, do të zhvillohet VAP për infermierët, mamitë, fizioterapeftët, teknikët e imazherisë, teknikët e laboratorit, logopedistët.
“Ju bëjmë me dije se të gjithë kandidatët të cilët kanë mbaruar praktikën profesionale duhet të dorëzojnë kërkesën për pjesëmarrje në VAP, si dhe Librezën e Praktikës nga data 20 mars 2015 – 1 prill 2015. Këto dokumente do të dorëzohen pranë zyrave ku është bërë regjistrimi për të ndjekur këtë praktikë. Kujtojmë se listat emërore të ndara sipas ditëve do të dalin në faqen e UISH-së pasi të ketë përfunduar dorëzimi i plotë i librezave.
“Në të njëjtat data, 20 mars 2015 – 1 prill 2015, do të bëhet dhe konfirmimi i pjesëmarrjes në Provimin e Shtetit, për të gjithë ata që dëshirojnë të hyjnë në Provimin e Shtetit maj 2015, duke dorëzuar kërkesën me shkrim për pjesëmarrje në këtë provim, fotokopje të kartës së identitetit si dhe fotokopja e kartës së praktikantit.”
