Urdhri i Mjekut në bashkëpunim me Avokatin e Popullit kanë nënshkruar një marrëveshje në kuadrin e punës së përbashkët për zhvillimin e politikave shëndetësore dhe ligjeve si dhe për eliminimin e diskriminimit në ofrimin e shërbimeve shëndetësore për shkak të moshës, statusit, racës, gjinisë, fesë. Pjesë e kësaj marrëveshjeje ishte gjithashtu avancimi i të drejtave të pacientëve dhe profesionistëve të shëndetit në Shqipëri.
Disa nga pikat ku do të konsistojë kjo marrëveshje janë:
Propozime në kuadër të përmirësimit të legjislacionit me fokus ruajtjen dhe forcimin e shëndetit të qytetarëve, marrja e nismave të përbashkëta për adresimin, referimin dhe zgjidhjen e rasteve konkrete, pranë organeve të larta,si dhe angazhimi i Urdhrit të Mjekëve për të informuar Avokatin e Popullit dhe anasjelltas për problematikat që ka shëndetësia e vendit.
