Denisa Canameti
Urgjenca e QSUT-së u gjend sot në një kaos. Fillimi i vitit është shoqëruar me një shtim të fluksit të pacientëve të cilët për shkaqe të ndryshme, si: kriza 
hipertensive, të fiktët, kriza për shkaqe reumatizmale etj. janë paraqitur në spital që në orët e para të mëngjesit.
Numri i tyre është mbi kapacitetet e urgjencës dhe kjo duket qartazi nga fotot, që tregojnë krevate kudo nëpër korridore, ku dhjetëra njerëz janë në pritje të një shërbimi urgjent (që vetëm urgjent nuk është).
Brenda dëgjon ulërima të pafundme nga pacientët të cilët presin mes dhimbjeve dhe problemeve. “Këta duan t’i marrësh zvarrë, vetëm atëherë dëgjojnë”, thotë një 20-vjeçar që ka mbi dy orë që pret.
Por nga ana tjetër, janë edhe mjekët ata që ankohen për sjelljen e familjarëve të pacientëve. Pavarësisht rregullit se çdo i sëmurë duhet të shoqërohet vetëm nga një i afërm, në fakt çdo pacient ka shumë të afërm rrotull tij, duke e vështirësuar kështu punën e tyre.
