Urgjenca e neurokirurgjise
Mjeku kardiolog Petrit Vargu u shpreh sot në një emision televiziv për të gjitha mangësitë që ka QSUT-ja dhe veçanërisht urgjenca. Sipas Vargut, ministri Beqaj ka një koncept të gabuar për urgjencënm pasi të përmirësosh shërbimin nuk do të thotë të shtosh numrin e ambulancave, numrin e makinave të transportit.
“Nuk mbaj mend që një pacient të më thotë që më shpëtoi jeta falë transpotit. Vëmendja duhet përqendruar, – theksoi mjeku, – tek ajo çfarë ofrohet kur pacienti hyn në urgjencë. Të përmirësojë cilësinë e shërbimit kur sot në urgjencën e QSUT-së ekziston vetëm një termometër. Pa folur më pas për mangësitë e tjera”.
Vargu përmendi edhe kushtet në urgjencën e neurokirurgjisë duke theksuar kushtet skandaloze dhe mangësitë e mëdha që e shoqërojnë këtë shërbim. Mjeku gjithashtu akuzoi ministrin që po e çon ministrinë drejt humnerës, pasi po keqmenaxhon fondin, duke shpenzuar për gjëra të panevojshme dhe duke lënë pas dore gjëra të tjera më të rëndësishme që do të ishin thelbësore për jetën e njeriut.
