I ftuar në emisionin e mëngjesit “Rreze Dielli” në Report TV, me moderatore Androniki Kolka, ishte Altin Joka, nutricionisti i njohur nga Suedia, i cili foli për përdorimin e urinës si medikament për të shëruar probleme të ndryshme të trupit.
”Dikur nënat tona e përdornin urinën për të shëruar dhimbjet e veshit, apo për të kuruar verdhëzën, pra ishte një ilaç natyral që përdorej gjerësisht edhe pse ato nuk kishin dije mjekësore” e nis kështu bisedën nutricionisti i njohur, duke shtuar se ky protokoll mjekësor është zbatuar që në lashtësi, që nga romakët e lashtë, kinezët apo vendet e largëta të orientit, që e përdornin urinën me pika për dhimbje të ndryshme.
”Urina është përdorur gjerësisht nga dentistët në të shkuarën pasi njihen efektet e saj kurative në parandalimin e kariesit tek dhëmbët, ndërsa është vërtetuar se ka një ndikim të madh në qetësimin e dhimbjes së barkut” shtoi Altini, duke theksuar se ajo merret me pika dhe jo me sasi të mëdha apo konsum ditor.
Dikur për të shmangur një shtatzëni përdorej urina e pelës, pasi ishte vërtetuar nga shumë mjekë të kohës që ishte shumë efikase, sikurse kishte rezultuar e suksesshme për dhimbjen e syrit, kataraktet, kurë që përdoret edhe sot në formë kremi në ilaçet që shiten në farmaci.
”Te urina gjendet melanoma, substancë që gjendet në sasi të mëdha tek urina e kuajve, duke shërbyer për lythat, apo për të përgatitur disa lloje kremërash për lëkurën” theksoi Altini, duke shtuar se dikur në Francë, njerëzit lagnin napa me urinën e tyre dhe e vendosnin në qafë kundër stafilokokut.
”Gjatë pandemisë mjekët e kanë përdorur urinën, duke e kombinuar dhe me disa medikamente të ndryshme, si një kurë efikase për Covid 19” tha ai, pa harruar të shtonte se shumë natyropatë njohin plotësisht efektet e urinës dhe ia dinë vlerat.
Urina në përbërjen e saj ka 95 % ujë, ndërsa pjesa tjetër përbëhet nga klorur fosfori, squfur, magnez, aminoacide, vitaminë B-6,B-12, proteina, melatonina, etiomina apo albumina, duke e shndërruar kështu në një substancë shumë të pasur me element kurativ./Shqiptarja.com
