Dëmi i shkaktuar nga ngrënia jo e shëndetshme mund të zgjasë gjatë gjithë jetës, edhe pasi ka mbajtur dietë. Studimi i fundit sugjeron se ushqimet e pasura 
me yndyra, sheqer dhe kripë ndryshojnë mënyrën se si punojnë gjenet dhe edhe nëse më pas fillojmë të hamë peshk, fruta apo perime, dëmi nuk rikuperohet.
Testet tek minjtë kanë treguar se ata që u ushqyen me “fast-food” ishin më të prirur për të pësuar dëme të arterieve edhe pas trajtimit, pasi funksioni i gjeneve, përfshirë edhe ato jetësore të sistemit imunitar, kanë kaluar në një proces të njohur si “epigjenetika”.
Kërkuesi Erik van Kampen i Universitetit të Leidenit në Holandë, thotë: “Shpresoj që ky studim të tregojë rëndësinë që ka një dietë ushqimore në ndryshimet në trup e si rrjedhojë në ADN e në sëmundje”./ Daily Mail
