Të ushqeheni mirë nuk ju ndihmon vetëm për të pasur trup të shëndetshëm por gjithashtu redukton rrudhat, forcon thonjtë dhe ju ndihmon të keni flokë me më shumë shkëlqim- thotë Joshua Zeincer. Ja ushqimet që duhet të përmbajë frigoriferi juaj nëse doni të dukeni sa më bukur:
Shalqiri: ndihmon lëkurën të largojë rrezet e dëmshme ultravjollcë. Mund ta përdorni për të zëvendësuar dozën e përditshme të kremit me filtra mrojtës ndaj diellit.
Shega: kokrrat e këtij fruti janë të mbushura me antioksidantë dhe vitaminë C. Parandalojnë rrudhat, ruajnë linjat e bukura dhe neutralizojnë radikalet e lira të lëkurës. Rritin prodhimin e kolagjenit dhe acidit elagik (redukton inflamacionin e shkaktuar nga rrezet e dëmshme UV).
Boronica: përmban vitamina E dhe C, dy antioksidantë që veprojnë së bashku për ndriçimin e lëkurës dhe për luftimin e radikaleve të lira.
Karkaleca: të pasura me zink, ju ndihmojnë të keni lëkurë të pastër dhe të luftoni aknet. Zinku përshpejton rinovimin e qelizave të lëkurës. Sipas studimeve njerëzit të cilët kanë akne në lëkurë kanë nivele të ulta të zinkut në organizëm.
Vezët: të pasura me proteina ju ndihmojnë në forcimin e thonjve. Ato janë të pasura me vitaminë B kompleks që minimizon aminoacidet.
Arrat: përmbajnë omega 3 dhe acide yndyrore (gjenden tek produktet që ju garantojnë flokë të hidratuar). Përmbajnë vitaminë E. Sasia që duhet të konsumoni është ¼ filxhani në ditë. Për më tepër arrat janë të mbushura me bakër.
Pjepër: përmban Vitaminë A, e cila rregullon rritjen e qelizave të lëkurës./Health magazine/Përgatiti: Elena Beta
