Pasqyrë, o pasqyrë, çfarë po ndodh?! Lëkura e plotë dhe me shkëlqim që gëzonim në rininë tonë është “pasojë” e kolagjenit dhe elastinës, të ndodhura në trupin tonë. Kolagjeni është faktor lidhës në tendina dhe ligamente dhe i jep lëkurës butësinë e saj dhe shkëlqimin. Elastina është një proteinë që i jep 
elasticitet strukturave si lëkurës, arterieve.
Fatkeqësisht, proteinat e rëndësishme varfërohen ndërsa vitet kalojnë, duke shkaktuar rrudha dhe shenja të dukshme të plakjes. Lajmi i mirë është se kolagjenin dhe elastinën mund ta rindërtoni në çdo kafshatë, duke pasur në vaktet e ngrënies ushqime që përmbajnë proteina.
Ushqime si zarzavatet, agrumet, soja dhe produktet e detit kontribuojnë në shëndetin dhe bukurinë e lëkurës suaj.
HealthCentral.com sugjeron përdorimin e perimeve që përmbajnë vitaminë C pasi ato janë një burim i mirë i luteinës. Zgjidhni perimet jeshile, si spinaqi, sallata jeshile.
Portokallet, kivit dhe luleshtrydhet kanë gjithashtu shumë vitamina C.
Bakri është një element kimik që vepron në lidhje me vitaminën C drejt maturimit të kolagjenit dhe formimit të elastinës. Frutat e thata si kajsia, kumbullat dhe rrushi kanë gjithashtu me shumicë bakër.
Vitamina A ndihmon në një lëkurë të shëndetshme dhe me shkëlqim. Ajo gjendet te karrotat, patatet e ëmbla, pjepri. Ushqime me përmbajtje të lartë antioksidantësh parandalojnë reagimin molekular të shkaktuar nga radikalet e lira që çojnë në shkatërrimin e qelizave.
Peshku është një burim shumë i mirë i acideve yndyrore omega 3, yndyrna të rëndësishme që trupi s’i prodhon vetë. Ato janë shumë të rëndësishme për funksionimin e qelizave të ndryshme të trupit, përfshirë dhe ato të lëkurës. Salmoni dhe toni janë gjithashtu zgjedhje e përkryer.
Zinku ndihmon proteinat të kombinohen me proteina të tjera për të formuar kolagjen të ri. Ushqime me përmbajtje të lartë zinku janë midhjet, butakë të tjerë, produktet e qumështit, si kosi e djathi.
Edhe ushqimet me bazë soje janë të mira për nxitjen e prodhimit të kolagjenit në lëkurë.
Si përfundim, është mirë të keni kujdes se çfarë hani. Për të pasur një lëkurë të re, duhet të jeni përzgjedhës./ Përshtati në shqip: Gridi Shehu
