Saisa e tepërt e mbajtjes së lëngjeve në trup mund të shkaktojë probleme në sistemin e qarkullimit të gjakut, indet e trupit apo dëmtimin e kockave dhe dhëmbëve. Përgjithësisht shmangia e ujit në trup është stimuluar përmes medikamenteve. Ne do t’ju paraqesim disa ushqime që mund ta kryejnë këtë funksion:
Në një postim të “Magde” thuhet se pijet dhe ushqimi i shëndetshëm janë një nga mënyrat më natyrore që sherben jo vetëm për mënjanimin e ujit në trup, por pengojnë dhe përsëritjen e këtij fenomeni.
Lakrat dhe zarzavatet e tjera jeshile: këto produkte kanë përfitime të shumta shëndetësore sepse përmbajnë kalium dhe minerale të tjera. Spinaqi, lakrat, brokoli, sallata jeshile etj janë vetëm nga disa nga ushqimet që e shmangin këtë problem.
Frutat: të gjitha llojet e frutave janë një zgjedhje shumë e mirë për menjanimin e ujit në trup. Hani në çdo vakt nga një frut të ndryshëm dhe do të keni nën kontroll sasinë e lëngjeve në trup.
Peshku: salmoni, toni, skumbri, harenga janë vetëm disa nga shummlojshmëria e peshqve të shëndetshëm të pasur me acide yndyrore omega3. Përfitimet e tyre shkojnë në përmirësimin e funksionimit të trurit, shëndetin kardiovaskular dhe sigurisht mënjanimin e mbajtjes së ujit në trup.
Arrat dhe frutat e tjera të thata: janë burime të mëdha të vitaminës B6 , yndyrnave të shëndetshme dhe fibrave, komponente këto mjaft thelbësore për stimulimin e trupit për të mos mbajtur ujë.
Erëzat: selinoja, majdanozi, radhiqet etj janë vetëm disa nga erëzat më të mira që shmangin mbajtjen e ujit në trup.
Kur keni problemin e mbajtjes se ujit në trup duhet të shmangni kripën dhe produktet e konservuara domosdoshmërisht.
Përshtati në shqip për “Shëndet+”: Daniela Bardhi
