Përgatiti për shëndeti.com.al: Elena Beta
Vaji i jaseminit është një ndër ilaçet më efektive kundër depresionit. Shumë mjekë popullorë e rekomandojnë për largimin e stresit, depresionit, ankthit, nervozizmit, pagjumësisë dhe çrregullime tjera të ngjashme. Mjekët gjermanë në Universitetit e Düsseldorfit kanë bërë studime shkencore ku është vërtetuar se Jasemini në bazë të përbërjes molekulare është shumë i ngjashëm me valiumin. Por në dallim me efektet anësore negative të cilat i ka secili medikament por edhe valiumi, siç është varsia ndaj medikamentit, vaji i Jaseminit nuk e dëmton në asnjë mënyrë organizmin e njeriut.
Është vërtetuar se relakson trupin, ngre humorin, ndihmon në zgjidhjen e dilemave emocionale dhe stimulon imagjinatën.
Ky vaj largon emocionet negative siç janë zemërimi, mërzia, pesimizmi, mosbesimi në vetvete, pasiguria dhe fajësimi, por ndihmon edhe në eliminimim e fobive të ndryshme.
Është i shkëlqyer për ngritjen e vetëbesimit por edhe në perceptimin pozitiv të vlerave fizike dhe mendore të personit që përdor aromën e vajit të Jaseminit.
Sipas disa të dhënave vetëm nuhatja e aromës së Jaseminit ndikon pozitivisht në forcimin dhe ruajtjen e kujtesës. Gjithashtu stimulon kreativitetin dhe ndjeshmërinë.
Vaji i Jaseminit është ushqyes i shkëlqyeshëm për kujdesin e lëkurës, sidomos kur keni lëkurë të thatë, të ndjeshme dhe të prirur për skuqje dhe inflamacion. Ndihmon në mbajtjen e elasticitetit të lëkurës dhe ka një efekt të madh në parandalimin e rrudhave. Po ashtu ndihmon në largimin e shenjave të mbetura nga puçrrat, operacioneve apo edhe dëmtimeve të ndryshme të lëkurës, ose së paku ti bën më të padukshme.
Burimi: healthyfoodhouse / shendeti.com.al
