Përshtati në shqip për “Shëndet+”: Daniela Bardhi
Ndërsa virusi Zika po vazhdon të shkaktojë deformime të rënda tek foshnjat e porsalindura, nënat e reja në Amerikë, El Savador janë këshilluar të shmangin shtatëzanitë e mundshme për një kohë dy vjeçare derisa epidemia të jetë zhdukur.
Virusi i cili transmetohet nga mushkonja “Aedes aegypti” është i lidhur me gjendjen e mikrocefalisë, e cila shkakton lindjen e fëmijëve me anomali si kocka të parregullta apo vonesa në zhvillim.
Që kur Brazili konfirmoi rastin e parë në maj të 2015, 21 vende të tjera të Amerikës së Jugut, Veriut dhe Qëndrore, përfshirë dhe Shtetet e Bashkuara kanë raportuar rastet e tjera. Rreth 4.000 fëmijë kanë lindur me mikrocefali në zonat e prekura.
Qeveria e El Savador këshilloi gratë që mos të mbeteshin shtatëzënë deri në vitin 2018, ndërsa Kolumbia, Xhamajka, Ekuadori bënë thirrje për periudha më të shkurtra për të mos mbetur shtatzënë.
Problemi në rastin e El Savadorit është se femrat që janë shtatzënë dhe marrin virusin, janë ende subjekt ndalimi për të kryer abort, pasi ky veprim përbën shkelje penale dhe dënohet me ligj. Sipas Anu Kumar, zëvendës presidenti i “të drejtave globale të abortit”, në Konferencën Ndërkombëtare për Planifikimin Familjar në Bali, Indonezi ai tha se virusi Zika po thekson problemet shëndetësore edhe për shkak të ligjeve të rënda kufizuese të abortit. Rreth 47.000 gra në vit vdesin nga komplikacionet e pasigurta të abortit. Kjo është pikërisht arsyeja pse ky ligj duhet të liberalizohet, shtoi ai. Qeveria nuk i është përgjigjur akoma kësaj kërkese./ Burmi: huffingtonpost.com
