Përshtati për gazetën “Shëndet+”: Blertina Koka
Një pacient nga Teksasi është infektuar me virusin “Zika” pasi kishte kryer marrëdhënie seksuale me një person tjetër të prekur nga ky virus. 
Qendrat e Kontrollit dhe Parandalimit të Sëmundjeve konfirmuan se ky është rasti i parë i transmetimit të virusit nëpërmjet rrugëve seksuale. Zyrtarët e mjekësisë bëjnë të ditur se partneri i pacientit ishte infektuar pasi kishte udhëtuar në një vend ku është përhapur virusi Zika.
Gjashtë persona në shtetin Harris, afër Houston, janë infektuar pasi kanë udhëtuar në vende të prekura nga virusi, ndërsa ky rast mendohet të jetë i pari që një njeri infektohet në SHBA pa udhëtuar fare.
Drejtori shëndetësor i shtetit të Dallasit, Zachary Thompson tha: “Tani që e dimë se virusi Zika mund të përhapet edhe nëpërmjet marrëdhënieve seksuale, rritet edhe më shumë përgjegjësia jonë për të ndërgjegjësuar dhe edukuar njerëzit që të mbrojnë veten e tyre dhe të tjerët”. www.shendeti.com.al/ Burimi: Daily Mail
