Ministri i Shëndetësisë Ilir Beqaj u thirr sot për raportim në Komisionin për Çështjet Sociale dhe Shëndetësisë për shkurtimet në personelin shëndetësor, gjë e cila ka ngjallur debate mes palëve në komision.
Kryetarja Albana Vokshi i kërkoi Beqajt të publikonte informacione të sakta për këtë çështje. “Janë 600 familje që po u hiqni bukën e gojës. A kanë lidhje këto fonde që po shkurtohen me një shtëpi që po ndërtohet në Peruxha?” tha Vokshi.
Kësaj deklarate ministri iu përgjigj: Keni ca kohë që keni probleme me shtëpinë time, por problemet e shtëpisë sime nuk i zgjidh dot. Merresh me kuzhinën time, me banesën time. Zgjidh problemet e tua se ke probleme shtëpie”.
Vokshi theksoi se nuk është respektuar kodi i punës për largimin e njerëzve nga puna. “Na dërgo informacione të sakta. Kjo është fushatë spastrimesh me personelin. Punonjësit do të zëvendësohen me militantë”.
Kuvendi vazhdon me debate./ Shëndet+
