Një i afërm vuan nga sëmundja e diabetit dhe te gishti e këmbës i ka shpërthyer dhe i kullon gjak. Cilat janë masat mbrojtëse, çfarë duhet të bëj. Edhe një herë tjetër i kishte ndodhur por i është shëruar dhe tani përsëri por në gishtin tjetër, ju lutem më ktheni përgjigjje?
Për pyetjen tuaj kemi kontaktuar mjekun Isuf Kalo
Dëmtimet në këmbë ndodhin shpesh. Zakonisht vijnë nga trauma, nga këpucët e këqija apo mykozat midis gishtave, shpesh pasojë e humbjes së ndjeshmërisë. Pacienti duhet të flasë patjetër me mjekun për të riparë mjekimin e diabetit, si dhe për të bërë mjekim lokal, kjo pasi plaga mund të infektohet dhe të shkojë deri në gangrenë. Mund të them se ky i sëmurë duhet ta trajtojë me shumë seriozitet këtë problem.
