Në Shqipëri është mirë të mos sëmuresh, pasi kurimi në spitale ka një rrezikshmëri të lartë. Kjo është ajo ccka thuhet nga e përditshmja amerikane “Washington Post” e cila ka publikuar një hartë ku kategorizon cilësinë e shërbimit shëndetsor në të 
gjithë botën. Shqipëria renditet pikërisht në vendet problematike, duke u futur në të njëjtën kategori me Algjerinë, Nigerinë, Ganën, Bregun e Fildishtë dhe Etiopia, të ngjyrosura me portokalli. Megjithatë, në Ballkan nuk jemi vetëm. Në të njejtën kategori renditen Kosova, Maqedonia e Bosnjë-Hercegovina.
Në rajon, vetëm sistemi shëndetësor grek vlerësohet me nota pozitive, ashtu si vendet e Evropës Perëndimore, të ngjyrosura me të gjelbër. Ekstremisht i rrezikshëm konsiderohet sistemi shëndetësor i disa vendeve afrikane, që janë një kategori poshtë asaj ku renditet Shqipëria dhe që në hartë janë ngjyrosur me të kuqe. Harta është përpiluar në bazë të 300 mijë incidenteve në spitale në mbarë botën të regjistruara gjatë vitit 2014, të raportuara nga organizata ndërkombëtare International SOS, e specializuar në shërbime emergjente për klientët që udhëtojnë për qëllime biznesi në vende të ndryshme.
