Përshtati në shqip për “Shendeti.com.al”: Blertina Koka
Ekspertët mendojnë se të qenët pasivë është një ndër shkaktarët kryesor të vdekjes së parakohshme. Ndërsa një hartë e re, e krijuar nga “The Conversation”, zbulon dëmtimet e vërteta që mund të shkaktojë mungesa e aktivitetit fizik.
Dy hulumtues shkencorë australianë kanë analizuar studime të ndryshme në lidhje me këtë çështje për të zbuluar rreziqet e vërteta të të qenët pasivë.
Nëse zgjidhni të shihni telenovela në vend që të bëni një shëtitje në park, ju rrezikoheni të prekeni nga sëmundja e alcajmerit me 13%.
Gjithashtu, gjasat që të pësoni goditje në tru (37%), diabeti i tipit 2 (70%) dhe sulm në zemër (82%) janë shumë të larta për fat të keq.
Dhe mos harroni rrezikun e lartë të zhvillimit të kancerit të mushkërisë, gjirit, mëlçisë, stomakut, fshikëzës së urinës apo atij të pankreasit, thonë profesorët Tim Olds dhe dr. Carol Maher, të dy nga Universiteti i Australisë Jugore.
Dembelizmi nuk ndikon vetëm në shëndetin fizik të një personi. Studime të mëparshme kanë treguar se të rriturit që nuk bëjnë aktivitet fizik janë 150% më të rrezikuar që të vuajnë nga depresioni dhe 54% që të kryejnë vetëvrasje.
#ICYMI: our interactive body map that explores physical activity and its affects on health risks. https://t.co/rDjl5T4Q5a pic.twitter.com/fxCWrgRiGu
— The Conversation – Australia + New Zealand (@ConversationEDU) December 9, 2016
Burimi: Daily Mail / https://shendeti.com.al/
