Përshtati për gazetën “Shëndet+”: Blertina Koka
Shkencëtarët kanë bërë një zbulim të rëndësishëm në lidhje me procesin e plakjes, që do të na zgjasë jetën të paktën për një dekadë. Ata janë shumë afër prodhimit të një pilule kundër-plakjes.
Sipas tyre, molekulat proteinë, të njohura si “GSK-3”, janë përgjegjëse për shkurtimin e jetëgjatësisë, dhe nëse bllokohen këto molekula, atëherë jetëgjatësia mund të rritet. Shkencëtarët kanë kryer një eksperiment tek insektet e frutave, ku kanë përdorur doza të ulëta të litiumit për të ndaluar funksionimin e molekulës GSK-3 tek insektet.
Si rezultat, jetëgjatësia e insekteve është rritur me 16%. Ndërsa, në doza më të mëdha jetëgjatësia shkurtohej.
“Jemi të ngazëllyer për ‘GSK-3’. Kjo mund të nënkuptojë se të gjitha llojet e sëmundjeve që lidhen më plakjen mund të parandalohen në një të ardhme të afërt, nëse behët terapi për njerëzit në moshë mesatare,” tha për Independent dr. Jorge Ivan Castillo-Quan, autori kryesor i studimit.
“Nëse ky ilaç do të mund të shtyjë sëmundjen e alcajmerit nga mosha 75 vjeç në moshën 90 vjeç, do të ishte e jashtëzakonshme”, shprehet ai.
Burimi: Huffington Post / https://shendeti.com.al/
