Koronavirusi vazhdon të përhapet në vende të ndryshme të botës. Të fundit që kanë konfirmuar rastet e para me koronavirus brenda kufijve të tyre janë Hollanda dhe Bjellorusia.
Sipas mediave, në Hollandë është konfirmuar si pozitiv ndaj Covid-19 një person nga Tilburgu jugor. Autoritetet bënë me dije se pacienti ka qenë së fundmi në Italinë veriore.
Ndërsa Ministria e Kujdesit Shëndetësor në Bjellorusi bëri të ditur se pacienti me koronavirus ishte një student nga Irani.
Ndërkohë, në Greqi numri i të prekurve ka shkuar në 4, ndërsa në Itali bilanci është më i rëndë me 655 të prekur dhe 17 të vdekur nga koronavirusi.
Burimi: World Meters
