(Përditësim) – Presidenti i ri i Urdhrit të Mjekut është Fatmir Brahimi. Brahimi, shef i pediatrisë në spitalin e Vlorës. Zgjedhja e tij u bë me votat e Këshillit të ri Kombëtar të Urdhrit të Mjekut dhe presidentëve të rretheve.
***
Fatmir Brahimi, Vitri Lika, Arjan Harxhi, Vehbi Kovaçi, Miltjan Veveçka, Kostandin Hida dhe Faik Toska janë emrat e Këshillit të ri Kombëtar të Urdhrit të Mjekut. Ndërkohë pritet që të zgjidhet edhe kreu i ri i Urdhrit.
***
Zhvillohen zgjedhjet për Urdhrin e Mjekut të Shqipërisë, Abazaj: Kujdes presionet politike
Po zhvillohen në Tiranë zgjedhjet për presidentin e Urdhrit të Mjekut të Shqipërisë. Në fjalën e tij të fundit në këtë post, Din Abazaj u shpreh se pasardhësi i tij duhet të ketë shumë kujdes nga ndërhyrjet dhe presionet e politikës, të cilat janë të shumta. Ish-presidenti tha se ka qenë i vështirë përballimi i presioneve të ushtruara nga institucionet shtetërore.
