Magazina e Spitalit të Neurologjisë në QSUT është përfshirë nga flakët.
Mësohet se zjarri ka rënë në katin -1. Flakët janë vënë nën kontroll duke mos rrezikuar jetën e pacientëve dhe të stafit mjekësore, siç njofton vetë QSUT.
“Mbrëmjen e sotme, rreth orës 21:45, në katin -1 të Spitalit të Neurologjisë është konstatuar prani tymi, pa asnjë rrezik për pacientët apo stafin.
Stafi mjekësor dhe ekipet teknike kanë ndërhyrë për të vlerësuar situatën dhe garantuar vijimin normal të shërbimit.
Aktualisht në ambientet e spitalit nuk ka asnjë rrezik pêr pacientët apo personelin dhe puna vijon pa asnjë pengesë.
Autoritetet përkatëse janë njoftuar për të kryer verifikimet e nevojshme dhe për të siguruar që gjithçka është në parametra të sigurt”, thuhet në njoftim.
