Zjarr në mjediset e Spitalit Rajonal Shkodër, fatmirësisht pa të lënduar, por me dëme materiale. Zyrtarisht bëhet e ditur se flakët ranë në katin e katërt, në një nga dhomat e Repartit të Kirurgjisë dhe ndërhyrja në kohë e zjarrfikësve shmangu përhapjen e tyre në dhomat e tjera. Grupi hetimor vijon punën për zbardhjen e shkakut të rënies së zjarrit, ndonëse paraprakisht dyshohet të jetë aksidental.
Shkodër/Informacion paraprak:
Rreth orës 07:05, të mëngjesit të sotëm, në katin e katërt të Spitalit Rajonal Shkodër, në një nga dhomat e Repartit të Kirurgjisë, ka rënë zjarr.
Shërbimet e Policisë dhe zjarrfikësit shkuan menjëherë në vendngjarje.
Ndërhyrja në kohë e shërbimeve bëri të mundur neutralizimin e flakëve, duke mos lejuar përhapjen e flakëve në dhomat e tjera si dhe shuarjen e plotë të zjarrit.
Nga zjarri nuk ka persona të lënduar, vetëm dëme materiale.
Grupi hetimor vijon punën për zbardhjen e shkakut të rënies së zjarrit, paraprakisht dyshohet aksidental.
