Shkon në 4 numri i viktimave të ngjarjes në Spitalin Amerikan. Pasditen e së mërkurës ndërroi jetë në spital Dashamir Saraçi, pacienti i hemodializës në Spitalin Amerikan që u sulmua me benzinë nga një tjetër pacient.
Dashamir Saraçi kishte pësuar djegie shumë të rënda nga flakët dhe dy ditë pas ngjarjes nuk mundi të mbijetojë.
Një ditë më parë humbi jetën autori i zjarrëvënies, Lefter Canaj, ndërsa menjëherë pas marrjes flakë të spitalit u gjetën të vdekura dy paciente femra të cilat po merrnin shërbimin në këtë pavion.
Ato janë Sanie Sulaj , 55 vjeçe nga Mamurrasi, e cila vdiq si pasoje e asfiksisë, dhe Hani Mali, 55 vjeçe, banuese në Laç, e cila u gjet e vdekur poshtë një krevati.
