Blerina Bombaj, dietologe
Disa këshilla për shëndetin e prostatës
- Konsumoni të paktën 5 porcione fruta – perime çdo ditë. Zgjidhni perimet me ngjyrë të theksuar! Brokoli është ndër më të fuqishmit!
Zëvendësoni bukën dhe miellin e bardhë me atë me krunde!- Evitoni mishin e kuq të viçit, derrit, gicit, qingjit, kecit dhe zëvendesojeni me peshk të ujërave të pastër e të ftohtë, mishin e bardhë të pulës, vezë dhe fasule.
- Evitoni çdo lloj margarine dhe vaji të rafinuar. Përdorni vetëm vaj ulliri, avokado, vaj farash kungulli.
- Evitoni lëngjet me sheqer.
- Bëni kujdes me sasinë e kripës. Përdorni kripë të papërpunuar dhe me pakicë!
- Kujdes me sasitë e ushqimit! Hani ngadalë dhe ndaloni kur të jeni të ngopur!
- Krahas zgjedhjeve të kujdesshme ushqimore, ushtrimi i përditshëm i aktivitetit fizik ndihmon tej mase shëndetin e personave me prirje të sëmundjeve të zemrës, tensionit të lartë dhe prostatës!
- Rrisni konsumin e arrave, farave të kungullit dhe lajthive!
- Shegët janë provuar në një studim afatgjatë, të luftojnë ndjeshëm qelizat kanceroze të prostatës!
- Çaji jeshil dhe “kurkuma” janë në listën e ushqimeve që mbrojnë nga kanceri i prostatës në mënyrë të dukshme!
