Blertina Koka, gazeta “Shëndet+”
Memoria është aspekt domethënës i jetës. Duke u plakur, memoria fillon të dobësohet për shkak të sëmundjes dementia. Është e tmerrshme të mendosh se mund të humbasësh të gjitha kujtimet e një jete.
Më poshtë do të lexoni 5 faktorët që dëmtojnë funksionimin e memories:
Menopauza – Kjo prek vetëm femrat. Problemet me memorien që ndodhin për shkak të menopauzës janë të përkohshme. Gjatë kësaj periudhe femrat e bëjnë gjumin të parehatshëm, kanë temperaturë të lartë ose ethe, dhe të gjitha këto bëjnë që femra të ketë probleme me kujtesën.
Mungesa e gjumit – Tashmë jeni në dijeni se mungesa e gjumit ndikon në aftësinë e njerëzve për të kujtuar gjëra nga e kaluara. Në fakt, studimet tregojnë se gjumi luan rol kyç në forcimin e lidhjeve mes neuroneve. Nëse lidhja mes tyre është e dobët, atëherë njerëzit e kanë të vështirë të kujtojnë detaje të caktuara për shkak të mungesës së gjumit.
Probleme me tiroidet – Problemet me gjëndrat e tiroideve, sidomos mes njëra-tjetrës, shkaktojnë probleme me gjumin, gjë që shkakton depresion. Mungesa e gjumit dhe depresioni shkaktojnë probleme në memorie.
Ankth dhe depresion – Kur jemi në ankth, trupi prodhon kortisol, hormone stresi. Lidhjet e qelizave të trurit dëmtohen duke humbur sinapset. Kjo ndikon në aftësinë e njerëzve për të kujtuar.
Duhani – Studimet kanë treguar se ata që konsumojnë duhan kanë memorie më të dobët se ata që nuk tymosin. Problemi vjen sepse gjaku që shkon në tru është i dëmtuar nga duhani. Kjo çon në formimin e proteinave anormale në tru, duke shkaktuar kështu vonesë në marrjen e informacioneve.
Menopauza është i vetmi faktor që është i pashmangshëm, ndërsa faktorët e tjerë të përmendur më lart kurohen me ilaçe dhe mënyrë jetese të shëndetshme./www.shendeti.com.al
