Përshtati në shqip për “Shendeti.com.al”: Blertina Koka
Një 6-vjeçare heroinë rrezikoi jetën për të shpëtuar vëllanë e saj më të vogël nga zjarri që kishte përfshirë shtëpinë. Kelsey Davies shpëtoi nga flakët vëllanë e saj 11-muajsh, Andrew, duke e marrë nga krevati dhe vrapuar drejt shkallëve. Pasi u sigurua që vëllai i vogël ishte i sigurt, 6-vjeçarja kthehet sërish tek shtëpia për të shpëtuar pjesën tjetër të familjes.
Fatkeqësisht, flakët kishin përfshirë shtëpinë dhe ishte e pamundur për të që të shpëtonte edhe vëllanë më të madh. 4-vjeçari Jac fatkeqësisht ndërroi jetë gjatë incidentit, ndërkohë që pjesa tjetër e familjes arriti të shpëtojë për mrekulli nga zjarri i rrezikshëm.
Mamaja e 6-vjeçares, Jenny Davies, tregon se është shumë krenare për të bijën. 28-vjeçarja është shprehur: “Kelsey është e habitshme. Ajo mori Andrew nga krevati dhe e nxori jashtë shtëpisë. Unë jam shumë krenare për të, por kurrë nuk do ta marr veten pas vdekjes së djalit 4-vjeçar, Jack”.
6-vjeçarja ishte e para që u zgjua kur shtëpia filloi të marrë flakë. Kelsey ka hapur fillimisht dritaret dhe ka kërkuar ndihmë, para se të shpëtonte vëllanë e vogël.
Burimi: The Sun / https://shendeti.com.al/
