Përgatiti për “Shendeti.com.al”: Blertina Koka
Këshilla: Si të mbroni sytë
Rezervoni një vizitë tek okulisti për të gjithë familjen – Kontrollet e rregullta të syve konsiderohen mënyra më e mirë për diagnostikimin e hershëm të sëmundjeve të syrit, si: glaukoma, katarakti, retinopatia diabetike, degjenerimi makular i lidhur me moshën. Një ekzaminim i imtësishëm i syrit mund të zbulojë probleme serioze në shëndet, si për shembull diabetin, para se të fillojnë të shfaqen simptomat.
Vendosni syze dielli – Për të mbrojtur sytë nga rrezet e diellit.
Nëse pini duhan, hiqni dorë! – Duhanpirja rrit rrezikun e zhvillimit të kataraktit dhe sëmundjeve të syrit që dëmtojnë shikimin.
Vendosni syze mbrojtëse – Rreth 2.4 milionë dëmtime në sy ndodhin çdo vit në SHBA. 90% e tyre mund të shmangnen duke përdorur syze mbrojtëse.
Relaksoni sytë – Përpiquni të ndiqni rregullin 20-20-20 të shikimit të ekranit të kompjuterit, telefonit apo tabletit, i cili nënkupton që çdo 20 minuta para ekranit, shikoni një objekt që është 20 këmbë (6 metra larg) për 20 sekonda.
Jini aktivë – Aktiviteti i rregullt mund të parandalojë degjenerimin makular të lidhur me moshën (shkaktari kryesor i humbjes së përhershme të shikimit në moshë të vjetër).
Hani ushqime të gjelbërta – Një dietë e pasur me fruta dhe perime të gjelbërta, dhe acide yndyrore omega 3 mund të ndihmojë në uljen e rrezikut të zhvillimit të glaukomës, degjenerimit makular të lidhur me moshën etj.
Pini sa më shumë ujë- Pa pirë mjaftueshëm ujë, sytë nuk do të arrijnë të prodhojnë lot, që i mbajnë sytë të pastër dhe të njoma.
