Denisa Canameti
Kushtet në Spitalin Universitar të Traumës janë përmendur shpeshherë në artikuj të ndryshëm të gazetës “Shëndet+” duke e 
vënë theksin te mungesat e pafundme që ka në të. Kur flitet për mungesa dhe për kushte, sigurisht që flitet për plotësimin e kushteve minimale si pajisja me një stol për të pritur. Familjarët janë vërtet të mërzitur me këtë situatë që, siç duket, nuk do të ndryshojë kurrë. Ky rast (shiko foton) nuk është i vetmi. Kjo situatë është e njëjtë çdo ditë në spital.
E si të mos mjaftojë mungesa e stolave, temperaturat e ulëta janë një tjetër problem që edhe brenda spitalit njerëzit e sidomos fëmijët janë të detyruar të mbërthehen me shallë e me kapuçë që shpesh nuk janë mbrojtës maksimal, duke ndikuar në shfaqjen e të tjera problematikave si viroza të ndryshme që këto kohë janë në pikun e tyre.
