Hallva është një ëmbëlsirë e mirë dhe e thjeshtë, sidomos për rastet kur keni pak kohë në dispozicion për të gatuar.
Përbërësit për 4 persona
- 300 gramë miell
- 600 ml ujë
- 100 gr sheqer
- 3 lugë gjelle vaj ulliri (ose gjalpë i shkrirë)
Përgatitja
Në një tigan hedhim vajin ose gjalpin dhe e lëmë sa të ngrohet, pastaj hedhim miellin. E kavërdisim me lugë druri derisa të zverdhet. Duhet të kemi kujdes që të mos digjet.
Hedhim ujin e ftohtë ngadalë duke e përzierë mirë në mënyrë që mielli të mos bëhet me kokrriza.
Më pas hedhim sheqerin dhe e përziejmë pak. E mbulojmë me kapak dhe e lëmë të ziejë për 5 minuta në zjarr të ulët.
E fikim dhe e servirim në pjatë pasi të ftohet.
