Mjekja Dr.Ruden Cakoni, e ftuar në ciklin e podcasteve “Obeziteti – Le të flasim për të”, tregon se një person obez mund të humbasë peshë në mënyrë të shëndetshme, por së pari duhet të kërkojë mbështetje.
“Duke qenë obeziteti një sëmundje komplekse, multifaktoriale, progresive, recidivuse, çka do të thotë pra një sëmundje shumë komplekse, e cila mund shkaktohet nga shumë faktorë, ndër ta mund të përmendim gjenetikën dhe jo vetëm, sëmundje, medikamente, por edhe faktorë ambientalë”, tha mjekja.
Cakoni thekson se kjo sëmundje ka nevojë për një mbështetje, nga stafe të specializuar dhe për të mos thënë që kanë nevojë për një mbështetje nga një skuadër e specializuar multidisiplinare.
“Sigurisht që hapat e parë janë gjithmonë modifikimi i stilit të jetesës, pra rregullimi i dietës, këshillimi i praktikimit të aktivitetit fizik, gjithmonë në bazë edhe të sëmundjeve shoqëruese apo situatës. Dhe, së fundmi, në pacientë në të cilët stili jetesës i modifikuar ka dështuar, mund të kërkojmë edhe mbështetje medikamentoze, farmakologjike dhe jo vetëm”, shprehet ajo.
